Թուրք դատապարտյալներն այցելել են հայկական Սուրբ Կիրակոս եկեղեցի

Թուրքիայում օրերս կազմակերպվել էր Դիարբեքիրի բանտի դատապարտյալների այցը տեղի հայկական Սուրբ Կիրակոս եկեղեցի:

Թուրքական «Բեյազ գազեթե» լրատվական կայքը հայտնում է, որ Դիարբեքիրի բանտում Դիջլեի համալսարանը մեկ ամիս առաջ դասընթաց էր բացել, որը նպատակ ունի բանտարկյալներին քարտաշություն սովորեցնել:

Դիջլեի համասարանի ճարտարապետության ֆակուլտետի ասպիրանտ Ադնան Նաբիքօղլուն նշել է , որ եկեղեցու վերանորոգման ժամանակ, որը տևել է 2.5 տարի, արված լուսանկարներն օգտագործվել են ուսումնառության շրջանում, իսկ այժմ ուսանողներին բերել են եկեղեցի, որպեսզի դասերի ժամանակ ստացած տեսական գիտելիքները տեղում ուսումնասիրեն և ամրապնդեն:

http://ermenihaber.am/?lang_id=2&news_=4&cur_news=1481