NEWS.am–ը զգալի կրճատումներով ներկայացնում է սինգապուրյան «Today» թերթում հրապարակված հոդվածը միջնադարյան Անի քաղաքի մասին, որն այսօր Թուրքիայի տարածքում է գտնվում:
Կանաչ դաշտերում ծաղկում են դաշտային ծաղիկներ, թռչունները սավառնում են անամպ երկնքում, շուրջը թռչում են թիթեռներ են. այս ամենն Անին իդեալական է դարձնում: Սակայն հսկայական ավերակները վկայում են քաոսային անցյալի մասին:
Ժամանակակից Թուրքիայի եւ Հայաստանի միջեւ ընկած Անին երբեմնի միջնադարյան Հայաստանի մայրաքաղաքն էր ու Կոստանդնուպոլսի մրցակիցը: Այն վերածվել է մզկիթների, եկեղեցիների եւ զրադաշտական տաճարների հազվադեպ համադրության:
Անիում գտնվող շինությունների մեծ մասը, թվում է, դանդաղ կործանվում է. դրանց պահում են հազվադեպ հանդիպող մետաղյա հիմքերը: Առաջին հայացքից ավերակները փոքր են թվում: Սակայն երբ ավելի ես մոտենում, զարմացնում է դրանց լքված մեծությունը:
Անիի տաճարը միջնադարյան հայկական ճարտարապետության փայլուն օրինակ է. դրա ավերված գմբեթը չի նվազեցնում արժեքը: Սուրբ Գրիգորի եկեղեցին` կառուցված 1215թ. Տիգրան Հոնենցի կողմից, որմնանկարներ ունի, որոնք պատկերում են Քրիստոսի, Սուրբ Գրիգոր Լուսավորչի եւ այլոց կյանքը:
Երբ քայլում ես Անիի տարածքով, որտեղ պեղված դամբարաններն, տներ ու նույնիսկ բաղնիքներ կան, թաքնված մարգարիտի հայտանբերման տպավորություն է ստեղծվում, որն ավելի ազդեցիկ է դառնում լռությամբ, ամբոխի բացակայությամբ:
http://news.am/arm/news/196494.html
Leave a Reply