Թուրքիայում նոր թափ է ստացել Էրդողանի հետ կապված սկանդալը` համացանցում նրա և որդու ձայնագրության տարածումից հետո

Թուրքիայում նոր սկանդալ է հասունացել` կապված համացանցում փետրվարի 27-ին հայտնված աուդիոձայնագրության հետ, որում լսվում է վարչապետ Ռեջեփ Թայիփ Էրդողանի հեռախոսազրույցը որդու` Բիլալ Էրդողանի հետ:

Ինչպես հաղորդում է Vesti.ru-ն` ИТАР-ТАСС-ին հղումով, ձայնագրությունը YouTube-ում տեղադրվել է անանուն օգտատիրոջ կողմից: Ձայնագրության մեջ լսվում է, թե ինչպես է Էրդողանը որդուն հանձնարարում գումարը տանից դուրս հանել և կոչ անել բարեկամներին նույն կերպ վարվել: Ձայնագրության ամսաթիվը նշվում է դեկտեմբերը: Հենց այդ ժամանակ է երկրում իրականացվել  «Մեծ կաշառք» խոշորածավալ գործընթացը, որի ընթացքում ձերբակալվել էին մի շարք նախարարների որդիներ:

Ինչպես հաղորդվում է, խոսքը 1 մլրդ դոլարի մասին է եղել: Կասկած կա, որ դա հենց այն գումարն է, որը վարչապետը հավաքել է  «ատկատների» միջոցով: Էրդողանը հայտարարել է, որ ձայնագրությունը մոնտաժված է և կեղծ, սակայն մի շարք փորձագետներ կարծում են, որ այն իրական է:
Հիշեցնենք, որ ընդդիմությունը պահանջում է Էրդողանի հրաժարականը, թեև նոր ընտրությունները երկրում անցկացվելու են մարտին:

http://www.tert.am/am/news/2014/02/27/erdoxan/