Թուրք իրավապաշտպանները պահանջում են պատժել «Կեցցեն սամասթները, անիծվեն դինքերը» պաստառը պարզողներին

Թուրքիայում գործող Մարդու իրավունքների պաշտպանության միությունը «Ակօս» թերթի մոտ «Կեցցեն սամասթները, անիծվեն դինքերը» պաստառը պարզողների դեմ հանցագործության մասին հաղորդում է ներկայացրել։

Ինչպես հայտնում է HyeTert-ը, իրավապաշտպան կազմակերպության անունից ելույթ ունեցած Էրեն Քեսքինը հայտարարել է, որ «ռասիզմ պարունակող այս դեպքը պետք է ուսումնասիրվի, պետք է ուսումնասիրվեն անվտանգության բոլոր տեսախցիկների կադրերը, բացահայտվեն պաստառները կրողները, կարգախոսներ վանկարկողները, և այդ անձանց դեմ պետք է դատական գործ հարուցվի»։

Հիշեցնենք, որ կիրակի օրն ադրբեջանամետ մի խումբ հավաքվել էր «Ակօս» շաբաթաթերթի մոտ, և «Կեցցեն սամասթները, անիծվեն դինքերը» գրությամբ պաստառ  պարզել։

Այս տարվա ակցիայի ընթացքում ոստիկանությունը խոչընդոտել է ոչ թե պաստառը պարզելուն, այլ դեպի Թաքսիմ քայլելուն։

Ցուցարարները Թուրքիայից պահանջել են ճանաչել «Խոջալուի ցեղասպանությունը», քանի որ դա ոչ թե 100 տարվա, այլ 20 տարվա պատմություն է։

Նշենք, որ Օգյուն Սամասթը պոլսահայ մտավորական, լրագրող Հրանտ Դինքի մարդասպանն է։

http://www.tert.am/am/news/2014/02/27/agos-dink/