Իհսան Քարահասանօղլու. «Թուրքիայում 100.000 հայ է մնացել»

Թուրքիայի լրատվամիջոցների օրակարգի անբաժանելի մասն է շարունակում մնալ մարտի 30-ին նշանակված տեղական ինքնակառավարման մարմինների (ՏԻՄ) ընտրությունների և առաջադրված թեկնածուների թեման: Թուրքական «Հաբեր 7» լրատվականի սյունակագիր Իհսան Քարահասանօղլուն անդրադարձել է գլխավոր ընդդիմադիր Ժողովրդահանրապետական կուսակցության (ԺՀԿ-CHP) նախընտրական ցուցակներում երկու հայերի` ընդգրկված լինելու փաստին:

Հեղինակը իր դժգոհության մասին է ակնարկում առ այն որ 98 տոկոսով մահմեդական բնակչություն ունեցող երկրի 15 մլն բնակչություն ունեցող մի քաղաքում (Ստամբուլ) ԺՀԿ-ն կարող է առաջադրել 2 հայ թեկնածու: Եվ դա այն դեպքում, երբ հայտարարվում է, թե Թուրքիայում բնակվում է ընդհանուր առմամբ 100.000 հայ: Հոդվածագիրը ԺՀԿ-ական թեկնածու Մուստաֆա Սարըգյուլին կոչ է անում իր ընտրվելուց հետո մահմեդական ժողովրդին ավելի հանգամանորեն ծանոթացնել այն երկու հայերին, որոնց հետ Սարըգյուլը պատրաստվում է աշխատել հետագայում:

Նշենք, որ Թուրքիայի առաջիկա ՏԻՄ ընտրություններին մասնակից քաղաքական կուսակցությունների կողմից ընդհանուր թվով առաջադրվել է Թուրքիայի` ազգությամբ հայ 8 քաղաքացի:

http://ermenihaber.am/?lang_id=2&news_=4&cur_news=1463