Թուրքիայում հաջորդ ամիս ակնկալվող տեղական ինքնակառավարման մարմինների ընտրությունները լինելու են «Նոր Թուրքիայի» առաջին ընտրությունները և էապես ազդելու են հաջորդ` նախագահական ընտրությունների վրա. գրում է Sabah օրաթերթի կայքը:
Հոդվածագիրը ենթադրում է, որ այդ պատճառով ՏԻՄ ընտրությունները փոքր ինչ-կոշտ ընթացք են ունենալու: Իշխող Արդարություն և զարգացում կուսակցությունը ողջ ուժով փորձելու է պաշտպանվել, իսկ ընդդիմությունը` շարունակելու մահացու հարվածներ հասցնել:
Քրդական քաղաքական շարժում առաջին անգամ քաղաքականությունը շարունակելու է այն սկզբունքի վրա, որ խնդիրները կարող են լուծվել քվեատուփի միջոցով:
Կարելի է տեսնել, որ ցուցակներում շատ են երիտասարդները, կանայք, տարբեր էթնիկ խմբերի ներկայացուցիչները՝ տարբեր կուսակցությունների շարքերում:
Այս հողերի հնագույն ժողովուրդներից հայերը, ասորիները և ռուսները ևս ընդգրկվել են ցուցակներում: Անթալիայում անգամ ռուս կանայք են մասնակցում քաղաքային խորհրդի անդամի պաշտոնի համար պայքարին:
Leave a Reply