Սասունի շրջանի ղեկավարն այցելել է հայ բնակիչների ընտանիքներ

Սասունի շրջանի ղեկավար Ջիհաթ Արըքըն այցելել է շրջանում բնակվող հայ ընտանիքներին, լսել նրանց խնդիրները։

Նրան ուղեկցել է շրջանի մուֆթի Աբդուլհալըք Օջակհանօղլուն։ Նրանք այցելել են Չալըշլար գյուղում բնակվող հայերին։ Նրանք հյուրընկալվել են տարբեր ընտանիքներում։

«Մեր հայ քաղաքացիների տանիքի տակ միասին սեղան նստեցինք, զրուցեցինք։ Այս այցը մեր ներքին ձայների, գույների, համատեղ ապրելու առումով մեր հարուստ հնարավորությունն ի ցույց դրեց»,-ասել է նա։

Հիշեցնենք, որ Թուրքիայում մարտի 30-ին տեղական ինքնակառավարման մարմինների ընտրություններ են անցկացվելու, և հայաշատ շրջաններում կուսակցություններն ակտիվ գործունեություն են ծավալում՝ հայ թեկնածուների քվեներն ստանալու համար։

http://www.tert.am/am/news/2014/02/21/sasun/