Գեզի այգու տարածքից հայտնաբերված հայերի տապանաքարերը տեղափոխվել են Շիշլիի գերեզմանատուն

Ստամբուլի Թաքսիմի հրապարակի վերակառուցման ծրագրի շրջանակներում շինարարության ժամանակ Գեզի այգու տարածքից հայտնաբերվել էին հայկական գրություններով տապանաքարեր, որոնք համապատասխան ստուգումներից հետո տեղափոխվել են Շիշլիի հայկական գերեզմանատուն։

Ստամբուլի հայկական «Ակoս»-ի փոխանցմամբ՝ Գեզի այգում հայտնաբերված Սուրբ Հակոբ գերեզմանատան տապանաքարերը հնագիտական թանգարանում ուսումնասիրության են ենթարկվել, որի ժամանակ հաստատվել է, որ դրանք 17-ից 19-րդ դարերի տապանաքարեր են։

Հնագիտական թանգարանում ուսումնասիրվելուց հետո տապանաքապարերը տեղափոխվել են Ստամբուլի Շիշլի թաղամասի հայկական գերեզմանատուն։

Նշենք, որ Գեզի այգու տարածքում մինչեւ 1939-ը եղել է հայկական Սուրբ Հակոբ գերեզմանատունը։ 1939-ին պետության որոշմամբ քանդվել է գերեզմանատունը, որի տարածքի վրա կառուցվել են Գեզի այգին, «Դիվան» եւ «Հիլթոն» հյուրանոցները։

 http://news.am/arm/news/195496.html