Ադրբեջանի և Թուրքիայի միջև մոտ ապագայում համատեղ հրթիռներ արտադրելու վերաբերյալ վերջնական համաձայնագիր կկնքվի

Ադրբեջանի ռազմական արդյունաբերության նախարարության և թուրքական ROKETSAN ընկերության միջև մոտ ապագայում ստորագրվելու է Ադրբեջանում հրթիռների արտադրություն սկսելու վերաբերյալ փաստաթուղթ։

Ինչպես տեղեկացնում է ԱՊԱ գործակալությունը, այդ մասին հաղորդել են թուրքական ռազմական արդյունաբերության քարտուղարությունից։

Արդեն լուծվել են համատեղ արտադրություն սկսելուն առնչվող տեխնիկական հարցերը։ Ընդունվել են արտադրական գործընթաց սկսելու վերաբերյալ անհրաժեշտ միջոցառումներ։

Քարտուղարությունից չեն հայտնել վերջնական փաստաթղթի ստորագրման ժամկետը։

Նշենք, որ ըստ համաձայնագրի՝ ադրբեջանական գործարաններից մեկում թուրքական ընկերության հետ համատեղ նախատեսվում է արտադրել 107 և 122 մմ տրամաչափի հրթիռներ։

http://www.tert.am/am/news/2014/02/20/azer-turkey-rockets/