Ադրբեջանում ավարտվել է Թուրքիայի, Ադրբեջանի և Վրաստանի արտգործնախարարների եռակողմ հանդիպումը: Թուրքիայի արտաքին գործերի նախարար Ահմեթ Դավութօղլուն հանդիպումից հետո հրավիրված մամուլի ասուլիսի ժամանակ անդրադարձել է հայ–թուրքական հարաբերությունների կարգավորման և սահմանի բացման խնդրին:
Թուրքական «Սոնդաքիքա» լրատվական կայքի տեղեկացմամբ` Թուրքիայի արտաքին քաղաքական գերատեսչության ղեկավարը հերթական անգամ նշել է, որ վերոնշյալ հարցերում Թուրքիայի դիրքորոշումը չի փոխվել:
«Առանց ղարաբաղյան հիմնախնդրի լուծման Հայաստանի հետ սահմանը չի բացվելու»,- ներկաներին հայտնել է Դավութօղլուն:
Թուրք նախարարը նաև նշել է, որ մամուլում տարածված այն լուրերը, թե Թուրքիան պատրաստվում է բացել Հայաստանի հետ սահմանը, չեն համապատասխանում իրականությանը:
Leave a Reply