Էրդողանի դեմ ուղղված Գորշ գայլերի նշանն անհանգստացրել է նրա թիկնազորին

Թուրքիայի վարչապետ Ռեջեփ Թայիփ Էրդողանը մասնակցել է աշակերտներին պլանշետներ բաժանելու միջոցառմանը, որի ընթացքում ուշագրավ միջադեպ է տեղի ունեցել։

Ինչպես տեղեկացնում է «Միլլիյեթ» թերթի կայքը, Fox հեռուստաընկերության տեսախցիկը ֆիքսել է, թե ինչպես է դահլիճի հետևի շարքերում նստած մի աշակերտ պարզում Գորշ գայլերի նշանը։

Դա գրավել է Էրդողանի թիկնազորի ուշադրությունը, և նրանք մոտեցել են աշակերտին ու հարցեր տվել։ Ավելի ուշ նկատելով, որ տեսախցիկը ֆիքսել է իրենց, ուսուցչից հարցրել են աշակերտի տվյալներն ու նրա գլխավերևում սպասել այնքան, մինչև վարչապետը վերջացնի ելույթն, ու միջոցառումն ավարտվի։

Լրատվամիջոցի տվյալներով՝ Գորշ գայլերի նշանը ցույց տվող տղան եղել է 14-15 տարեկան և սովորել 9-րդ դասարանում։

Գորշ գայլերը Թուրքիայում ահաբեկչական կազմակերպություն է համարվում։

http://www.tert.am/am/news/2014/02/18/erdogan-school/