«Երիտթուրքերից մինչ օրս շարունակվում է հայերի ոչնչացման քաղաքականությունը»

Թուրքիայում բնակվող ազգությամբ քուրդ քաղաքական գործիչ Ահմեթ Թյուրքը խորհրդարանական ընդդիմության մաս կազմող քրդական Խաղաղություն և ժողովրդավարություն կուսակցության (ԽԺԿ-BDP) կողմից Մարդին քաղաքում որպես թեկնածու է առաջադրվել մարտի 30-ին կայանալիք տեղական ինքնակառավարման մարմինների ընտրություններում: «ANF» լրատվական գործակալության թղթակցի հետ զրույցում Ահմեթ Թյուրքը նշել է, որ Մարդինում հաղթանակ տանելը ավելին է, քան զուտ ՏԻՄ ընտրություններում հաջողության հասնելը: Ըստ նրա` դա համաքրդական նշանակության ընտրություն է. և հաղթանակի դեպքում պետք է իրագործվեն քրդերի բանտարկյալ առաջնորդ Աբդուլլահ Օջալանի` Մարդինի հետ կապված ակնկալիքները:

«Սա սոսկ ՏԻՄ ընտրություն չէ. Մենք մեր քվեներով պետք է ամրապնդենք Օջալանի ձեռքերը: Մարդինը Մերձավոր Արևելքի մայրաքաղաքն է լինելու: Մենք Մարդինը դարձնելու են մերձավորարևելյան բոլոր ժողովուրդների բարքերն ու կրոններն արտացոլող քաղաք»,- ասել է Թյուրքը: Նա ընդգծել է, որ քրդերին, արաբներին ասիմիլացնելու, հայերին ու ասորիներին ոչնչացնելու քաղաքականությունը երիտթուրքերից սկսած` մինչ այսօր շարունակվում է գործադրվել:

Իրենց գլխավոր նպատակի` «Քուրդիստանի» և ժողովրդավարական ինքնավարության հասնելու մասին բարձրաձայնող քուրդ գործիչը պնդում է, որ թուրքական պաշտոնական գաղափարախոսությունն ուղղված է ազգային փոքրամասնությունների ինքնության ժխտմանը:

http://ermenihaber.am/?lang_id=2&news_=7&cur_news=1267