Թուրքիայի Էդիրնե քաղաքում գտնվող եւ նախկինում հայ ընտանիքի պատկանած «Միհրան հանըմի տունը» արժանացել է հայտնի Europa Nostra մրցանակին։
Թուրքական Sondakika կայքի փոխանցմամբ՝ ԵՄ հանձնաժողովի եւ Europa Nostra-ի կողմից կազմակերպվող «Եվրոպայի պահպանության մրցանակներ»-ի շրջանակում ժյուրիի հատուկ մրցանակ է ստացել Էդիրնեի` նախկինում Մայիսյան ընտանիքին պատկանած «Միհրան հանըմի տունը»։
Ժամանակին տունը պատկանել է բժիշկ Վասիլ Մայիսյանին, որի համար տունը նաեւ անվանել են «Բժշկի տուն»։ Տունը 2004 թվականին պետությունից գնել է Ջելալ Աջար անունով գործարարը եւ այն վերաբացել որպես բուտիկ-հյուրանոց։
Ստամբուլահայ հայտնի լրագրող Արիս Նալջըն այս մրցանակի հետ կապված Twitter-ում թողել է հետեւյալ գրառումը. «Էդիրնեի Մայիսյան ընտանիքին պատկանած տունը ստացել է Europa Nostra պահպանության մրցանակ։ Երանի թե տան պես ընտանիքին էլ պահպանած լինեին»։
Leave a Reply