Սեւան Նշանյանը արձակուրդից հետո բանտ է վերադարձել

Թուրքական դատարանի կողմից 2 տարի ազատազրկման դատապարտված ստամբուլահայ հայտնի լեզվաբան Սեւան Նշանյանը 7-օրյա արձակուրդն անցկացնելուց հետո վերադարձել է բանտ։

Թուրքական Radikal-ի փոխանցմամբ՝ Իզմիրի Թորբալը բանտում իր պատիժը կրող ստամբուլահայ Սեւան Նշանյանին բանտի ղեկավարությունը լավ վարքի համար 7-օրյա արձակուրդ էր տրամադրել։ Փետրվարի 11-ի երեկոյան Սեւան Նշանյանը 7-օրյա արձակուրդից հետո վերադարձել է բանտ։

Նշենք, որ 2013-ի դեկտեմբերի վերջին վճռաբեկ դատարանը հաստատել էր դեռեւս 2008-ին Իզմիրի Սելչուքի շրջանի քաղաքացիական գործերով դատարանի կայացրած վճիռը Սեւան Նշանյանի նկատմամբ:

Սեւան Նշանյանը բանտում անցկացնելու է 2 տարի՝ անօրինական շինարարություն իրականացնելու համար:

Նշենք, որ Սեւան Նշանյանը Հայոց ցեղասպանության մասին մշտապես բարձրաձայնել է Թուրքիայում եւ աչքի ընկել իր անվախ պահվածքով։

http://news.am/arm/news/194029.html