Շվեդաբնակ թուրքերն ու ազերիները բողոքի ցույց են կազմակերպել` ընդդեմ ցեղասպանության հուշարձանի

Շվեդիայում բնակվող թուրքերը բողոքի ակցիա են կազմակերպել մայրաքաղաք Ստոկհոլմի Բոտ Շիրքա արվարձանային շրջանի ՏԻՄ շենքի դիմաց` հայտնելու իրենց դժգոհությունը 1915-ին հայերի, ասորիների ցեղասպանությանը նվիրված հուշարձանի տեղադրումը պաշտոնապես թույլատրելու կապակցությամբ:

Այս մասին հայտնող թուրքական «Հաբեր 24» լրատվական կայքը, տեղեկացնում է, որ թաղապետարանի շենքի դիմաց խմբված թուրք ցուցարարներին միացել և աջակցել են նաև տեղաբնակ ադրբեջանցիները` դրոշներով և պաստառներով: Բողոքի միջոցառումը նախաձեռնվել է Շվեդիայում գործող թուրքական միությունների ձևավորած հանձնաժողովի կողմից: Շվեդական ոստիկանությունը խստացրել է անվտանգության միջոցառումները բողոքի ցույցի անցկացման վայրում:

Հիշեցնենք, որ վերջերս Ստոկհոլմի Բոտ Շիրքա արվարձանային շրջանի խորհուրդը հավանություն էր տվել ցեղասպանության զոհերի հիշատակին նվիրված հուշարձան տեղադրելու առաջարկին: Շվեդիայի սոցիալ-դեմոկրատները և ձախ կուսակցությունները միասնաբար պաշտպանել էին այդ նախագիծը, որն ընդունվել էր 54 կողմ, 4 դեմ և 1 ձեռնպահ քվեարկության արդյունքներով:

http://ermenihaber.am/?lang_id=2&menyu_id=3&top_current=133