Աթաթուրք անունը կարգելեն նաև Ադրբեջանում

Ադրբեջանում որոշել են արգելել երեխաներին տալ Աթաթուրք անունը։ Այս մասին տեղեկացրել են Ադրբեջանի կառավարության անվանումների հարցերով հանձնաժողովից։

Հանձնաժողովը նշել է, որ արգելքը թեև ոչ պաշտոնական բնույթ է կրում, սակայն եթե իրենց դիմեն Աթաթուրք անունը երեխային տալու համար, ապա մերժում կստանան։

Ենթադրվում է, որ Աթաթուրք անվան արգելքն Ադրբեջանում որոշել են կիրառել Թուրքիայի հորդորով, որտեղ նույնպես այդ անունն արգելված է։ Ներկայում Ադրբեջանում գրանցված է Աթաթուրք անունով 18 հոգի, հավելել են հանձնաժողովում։

Նշենք, որ Մուսթաֆա Քեմալ Աթաթուրքը համարվում է Թուրքիայի հիմնադիրը, իսկ նրա անձի պաշտամունքը շարունակվում է մինչ օրս։

AllTurkey.am