Թուրքական կայքը ներկայացրել է հայերի մասին պատմող գրքի բովանդակությունը

«Հայերը Օսմանյան կայսրությունում մինչև 1915 թվականը» գիրքի թարգմանությունը 2012 թվականին հրապարակել է Ստամբուլում գործող «Արաս» հրատարակչությունը: Հեղինակներն են Ռայմոնդ Գևորգյանը և Փոլ Փաբուջյանը:

Թուրքական «Փիրսուս հաբեր» լրատվական կայքը «Գրամատյան» էջում ներկայացրել է «Հայերը Օսմանյան կայսրությունում մինչև 1915 թվականը» գրքի բովանդակությունը: Գիրքը  տալիս է այն 2900-ից ավել քաղաքների, ավանների, գյուղերի ամբողջական նկարագրությունը, որտեղ ապրել են հայերը: Գիրքն առաջին անգամ օրակարգ է բերում նաև 1915 թվականից առաջ  շրջաններում բնակվող հայ հոգևորականների կազմած բնակչության վիճակագրությունը:  Ներկայացվում են բնակչության կազմը, հայերին պատկանող դպրոցների, աշակերտների, եկեղեցիների, վանական համալիրների քանակը, բնակության վայրերի քարտեզները:

Գիրքը, որն ի մի է բերել  հայ ժողովրդի քաղաքական և կրոնական կազմակերպությունների, սոցիալ-տնտեսական զարգացումների մասին տեղեկությունները, որոնք հիմնավորվում են պատմական փաստերով,  լույս է սփռում 19-րդ դարում հայ ժողովրդի մոդեռնիզացիայի գործընթացի վրա:

Թուրքական կայքը նշում է, որ աշխատության ներկայացրած ամբողջական պատկերը  հնարավորություն է տալիս ավելի լավ հասկանալ այն ողբերգության չափերը, որ  այս հիվանուրց ազգն ապրել է իր հայրենիքում 1915 թվականին:

http://ermenihaber.am/?lang_id=2&news_=6&cur_news=82