ԱՄՆ պետդեպարտամենտը անդրադարձել է Թուրքիայի վարչապետ Ռեջեփ Թայիփ Էրդողանի հասցեին հնչած քննադատության համար Թուրքիայից ադրբեջանցի լրագրող Մահիր Զեյնալովի արտաքսմանը, տեղեկացնում է “Հագին” կայքը:
“Հուսով ենք, որ Թուրքիան կպաշտպանի ազատ խոսքի և հավաքների հիմնարար իրավունքները։ Մենք կարծում ենք, որ անկախ լրատվամիջոցները վճռորոշ նշանակություն ունեն առողջ և ուժեղ ժողովրդավարության համար”,- հայտարարել է ԱՄՆ պետդեպարտամենտի խոսնակ Ջեն Փսակին։
Փսակին ընդգծել է, որ ԱՄՆ-ն շարունակում է աշխարհում խոսքի ազատության պաշտպանը լինել։
Հիշեցնենք, որ փետրվարի 7-ին Թուրքիայից արտաքսվել է ադրբեջանցի լրագրող Մահիր Զեյնալովին, որն աշխատում էր թուրքական “Today’s Zaman” թերթում` վարչապետ Ռեջեփ Թայիփ Էրդողանին և կառավարությանը քննադատող նյութեր հրապարակելու համար
Ankakh.com
Leave a Reply