Թուրքիայի ընդդիմադիր Ազգայանական շարժում կուսակցության խորհրդարանական խմբակցության փոխնախագահ, Թուրքիայի պատմագիտական ընկերության նախկին նախագահ Յուսուֆ Հալաչօղլուն հայտարարել է, թե վարչապետ Ռեջեփ Թայիփ Էրդողանը պահանջել է գրաքննել իր կուսակցության նախագահ Դևլեթ Բահչելիի ելույթը:
Թուրքական «Հաբերա» լրատվական կայքը հայտնում է, որ Հալաչօղլուն Թուրքիայի խորհրդարանում միացրել է Էրդողանի հեռախոսազրույցի ձայնագրությունը:
Ըստ Հալաչօղլուի՝ Էրդողանը, զանգահարելով «Հաբեր թուրք» լրատվականի տնօրենին, պահանջել է ԱՇԿ ղեկավարի Թունիսի նախագահի հետ հանդիպման մասին վազող տողերով լուրերը հեռացնել:
Հալաչօղլուն նշում է, որ Թուրքիայի Հանրապետության ղեկավարները ցույց են տալիս, որ բռնատիրական ռեժիմ են հաստատել:
«Ամբողջ լրատվական դաշտն իրենց վերահսկողության տակ են վերցրել: Ամոթ է»,- ասել է Հալաչօղլուն:
Leave a Reply