Բոյկոտ` Ցեղասպանությունը ժխտող թուրք գրողի դեմ

Թուրք գրող Այշե Քուլինի հայտարարությունը CNN Türk-ի եթերում, թե Ցեղասպանություն չի եղել, ու թե «հայերը մի բան արել են, որ թուրքերը նրանց կոտորել են», դժգոհության առիթ է դարձել հատկապես Թուրքիայում բնակվող հայության շրջանում:

Նրանցից ոմանք, ինչպես նաև Թուրքիայում հայտնի որոշ մտավորականներ Change.org կայքում հանդես են եկել գրողին բոյկոտելու և նրա գրքերը չգնելու նախաձեռնությամբ: Թուրքերեն և անգլերեն լեզուներով տարածված հայտարարությունում, որը կրում է «Բոյկոտում ենք Այշե Քուլինին» խորագիրը, ասված է. «Շատ ցավալի է, որ Հայոց ցեղասպանության 100-րդ տարելիցի նախօրեին գրողն այդչափ անհարգալից ոճով է արտահայտվում: Հեռուստաալիքին տված հարցազրույցում առանց վարանելու ասելով, թե «հայերը մի բան արել են, որ իրենք կոտորել են», ըստ էության ընդգծում է իրենց ճշմարտացիությունը կոտորելու տեսանկյունից: Ներողություն կամ նման բան չենք ակնկալում, խստորեն դատապարտում ենք, բոյկոտում նրա գրքերը և բոլոր խելամիտ  մարդկանց կոչ անում չկարդալ դրանք»:

http://civilnet.am/change-org-ayse-kulin-armenian-genocide