Թուրքիայում 1700-ամյա եկեղեցին հին տեսքին կբերեն

Վանի Բաշքալե շրջանում սահմանային զորամասի հետ քաշվելու հետևանքով այցելուների համար վերաբացված Սուրբ Բարդուղիմեոս եկեղեցին կվերակառուցվի նահանգի մշակույթի և զբոսաշրջության վարչության կողմից, տեղեկացնում է թուրքական Sabah օրաթերթի կայքը։

Վերակառուցումից հետո նախատեսվում է եկեղեցին հին տեսքին բերել։

Շրջանից 23 կմ հեռավորությամբ գտնվող բարձունքին տեղակայված եկեղեցին, ենթադրաբար, Քրիստոսի առաքյալներից Բարդուղիմեոսին է նվիրված եղել, և այնտեղ է թաղված առաքյալի մարմինը։ Այդ առումով եկեղեցին քրիստոնյաների համար կարևոր ուխտավայր է համարվում։

Վերակառուցման աշխատանքներն արդեն մեկնարկել են։

Նախատեսվում է եկեղեցու վերակառուցումից հետո այնտեղ հոգևոր արարողություններ իրականացնել, ինչի շնորհիվ էլ այն զբոսաշրջային կենտրոն դառնալու հնարավորություն կունենա։

http://www.tert.am/am/news/2014/02/05/1700-church/