Դիարբեքիրում 1600 տարվա եկեղեցին մզկիթի են վերածում

Դիարբեքիրում (Տիգրանակերտ) 2007թ. բացահայտված 1600-ամյա եկեղեցու ավերակների վրա Հիմնադրամների տարածքային կոմիտեն մզկիթ և դամբարան է կառուցում, տեղեկացնում է թուրքական Radikal օրաթերթի կայքը։

Թանգարանների վարչությունը ցանկացել էր այդ տարածքում պեղումներ իրականացնել։ 2007թ. ընթացքում 20 օր տևած պեղումների ընթացքում 200 քառակուսի մետր զբաղեցնող տարածքում 1600-ամյա շինություն է հայտնաբերվել, որտեղ երևում էր Հռոմեական կայսրության ժամանակների ճարտարապետական կառույց։

Ենթադրաբար, այն եկեղեցի է եղել։ 

Երկար ժամանակ տարածքն անխնամ է թողնվել։ Դրանից հետո Դիարբեքիրի որոշ շրջանակներ սկսել են պնդել, թե այն Սասա սուլթանի դամբարանն է։ 

Տարածքը երկար ժամանակ անտերության մատնվելու հետևանքով, պեղումների ընթացքում հայտնաբերված պատմական ապացույցները ոչնչացվել են, իսկ շրջակայքում աշխատողները 1600-ամյա պատմական շինությունն աղբանոցի են վերածել։

Ի դեպ, թեև պեղումների ժամանակ Սուլթան Սասայի դամբարանը չի հայտնաբերվել, պաշտոնական փաստաթղթերում տարածքն արդեն որպես դամբարան է նշվում։ 

http://www.tert.am/am/news/2014/02/04/diarbekir-church-1600/