Գյուլենն Էրդողանի դեմ դատական հայց է ներկայացրել

Թուրք հայտնի մուսուլման աստվածաբան, գյուլենական շարժման հիմնադիր ու առաջնորդ Ֆեթհուլլահ Գյուլենը դատական հայց է ներկայացրել Թուրքիայի վարչապետ Թայիփ Էրդողանի դեմ, ում հետ ժամանակին դաշնակից էր։

Դատական հայցով Գյուլենն Էրդողանից պահանջում է 45 հազար դոլարի չափով փոխհատուցում՝ իրեն զրպարտելու համար։ Մասնավորապես, Գյուլենը զրպարտություն է համարել Էրդողանի այն խոսքերը, թե «վերջինս զուգահեռ պետություն է ստեղծել Թուրքիայում»։

Նշենք, որ Գյուլենի և Էրդողանի միջև տարաձայնությունները սկսվեցին 2013-ին, երբ Էրդողանի կառավարությունը որոշեց փակել գյուլենական դպրոցները։ Դրան հետևեց դեկտեմբերին Թուրքիայի կառավարության դեմ գործողությունները, որոնցով բացահայտվեցին մի շարք կոռուպցիոն գործարքներ, իսկ Էրդողանը ստիպված էր մեծապես փոխել կառավարության կազմը։

AllTurkey.am