Շվեդիայի թուրքերը բողոքել են Ցեղասպանության հուշարձան կառուցելու որոշման դեմ

Շվեդիայի մայրաքաղաք Ստոկհոլմում Հայոց ցեղասպանությանը նվիրված հուշարձանի կառուցմանը դեմ են հանդես եկել այնտեղ բնակվող թուրքերը, հայտնում է «Հայ թերթ»-ը։

Որոշման ընդունումից հետո թուրք և ադրբեջանցի քաղաքացիները հավաքվել են քաղաքապետարանի մոտ և պահանջել են չեղյալ համարել որոշումը։

Նրանք կրել են Թուրքիայի և Ադրբեջանի դրոշները և պաստառներ, որոնցով ցանկացել են ցույց տալ Շվեդիային, թե հայերի պնդումները սուտ են։

Նրանք այդ նորությունն իրենց դեմ «հարձակում» են որակել։ Նույն ժամին այնտեղ հավաքվել են նաև հուշարձանի կառուցմանը կողմ անձինք, և ոստիկանությունը խիստ միջոցներ է ձեռնարկել՝ հնարավոր բախումը կանխելու համար։

http://www.tert.am/am/news/2014/02/01/sweden-turks/