Գաղտնալսել են Թուրքիայի նախագահին. Էրդողան

Թուրքիայի նախագահ Աբդուլլահ Գյուլի հեռախոսը ևս գաղտնալսվել է «կոռուպցիոն սկանդալի» գործի հետաքննության շրջանակում։ Այս մասին հայտարարել է Թուրքիայի վարչապետ Ռեջեփ Թայիփ Էրդողանը։

Ինչպես տեղեկացնում է Haber7 կայքը, Էրդողանը հայտարարել է, թե կոռուպցիոն գործի քննության ընթացքում գաղտնալսել են ինչպես Թուրքիայի նախագահ Աբդուլլահ Գյուլին, այնպես էլ մի շարք այլ պաշտոնյաների։

Ավելի վաղ հաղորդվել է, որ «կոռուպցիոն սկանդալի» շրջանակներում Թուրքիայում գաղտնալսել են նաև վարչապետ Էրդողանին։

Անցյալ տարվա դեկտեմբերի 17-ին Ստամբուլ և Անկարա քաղաքներում իրականացված հատուկ գործողության ընթացքում կոռուպցիայի, մաքսանենգության և թմրամիջոցներ իրացնելու կասկածանքով ձերբակալվել էին տասնյակ մարդիկ, այդ թվում՝ գործարարներ, նախարարների որդիներ, պաշտոնյաներ։

http://www.tert.am/am/news/2014/01/31/gul-erdogan/