Թուրքիան ամենացածր գնով գազ ձեռք է բերում Ադրբեջանից

Թուրքիան յուրաքանչյուր հազար խորանարդ մետր գազ ձեռք բերելու համար Ադրբեջանին վճարում է 335 դոլար: Թուրքիան նույն ծավալի գազի համար Ռուսաստանին վճարում է 425 դոլար, իսկ Իրանին`490 դոլար, հաղորդում է «ԱՊԱ» գործակալությունը`հղում կատարելով «Զաման»-ին:

Առաջիկա օրերին Թուրքիայի վարչապետ Ռեջեփ Թայիփ Էրդողանը կայցելի Իրան: Վերջինս կփորձի նվազեցնել գազի գինը. Իրանը, ի համեմատություն Ադրբեջանի և Ռուսաստանի վաճառած գազի գնի, այն Թուրքիային ավելի թանկ գնով է մատակարարում:

Նշենք, որ ավելի վաղ «Բոթաշ» թուրքական ընկերությունը դիմել է Միջազգային տնտեսական դատարան` իրանական գազի բարձր գնի և դրա նվազեցման առնչությամբ:

Ankakh.com