Թուրքիայի կառավարության մշակած «ժողովրդավարական բարեփոխումներ» փաթեթը, որը հանրությանը ներկայացվել էր վարչապետ Ռեջեփ Թայիփ Էրդողանի կողմից 2013-ի սեպտեմբերի 30-ին, կրել է որոշակի փոփոխություններ:
«Սի էն էն թուրք» լրատվականի տեղեկացմամբ` նշյալ փաթեթի ենթահանձնաժողովի աշխատանքներն ավարտվել են, և արդյուքնում փոփոխության է ենթարկվել մասնավորապես քրդերեն լեզվով կրթություն ստանալու մասին դրույթը: Ըստ այդմ` քրդերի համար նախատեսված մայրենի լեզվով կրթություն ստանալու ստանալու վերաբերյալ դրույթում «մասնավոր ուսումնական հաստատություն» ձևակերպումը փոխարինվել է «մասնավոր դպրոց» արտահայտությունով: Այդ քայլով, ըստ նույն աղբյուրի, փաստորեն սահմանափակում է մտցվել քրդերենով կրթություն ստանալու մասին դրույթի մեջ:
Հիշեցնենք, որ Էրդողանի ղեկավարած կառավարության կազմած բարեփոխումների փաթեթով նախատեսվում է քրդերին տալ մայրենի լեզվով կրթություն ստանալու իրավունք: Բացի այդ նախատեսվում է փոփոխություն կատարել թուրքական տառերի մասին օրենքում և թույլատրել քրդերենում առկա Q, X, W տառերի օգտագործումը:
Leave a Reply