Օլանդն այցելում է Թուրքիա. օրակարգում է նաև Հայոց ցեղասպանության հարցը

Ֆրանսիայի նախագահ Ֆրանսուա Օլանդն այսօր կժամանի Թուրքիա։ Սիրիական ճգնաժամի լուծմանն առնչվող խնդիրներին զուգահեռ՝ քննարկվելու են նաև այլ հարցեր, այդ թվում՝ Եվրամիությանը Թուրքիայի անդամակցության և  Հայոց ցեղասպանության հարցերը, գրում է gercekgundem.com կայքը։

2012թ. Ֆրանսիայի սահմանադրական դատարանի կողմից ցեղասպանության ժխտումը քրեականացնող օրինագծի հակասահմանադրական ճանաչվելուց հետո Օլանդը նախագահական ընտրությունների ընթացքում խոստացել էր, որ սատարելու է քրեականացման օրինագծին։

Սա լինելու է 22 տարվա ընդմիջումից հետո երկրի ղեկավարի մակարդակով Ֆրանսիայի նախագահի առաջին այցն Անկարա։ Օլանդը լինելու է Անկարայում և Ստամբուլում։ Նա հյուրընկալվելու է նախագահ Աբդուլլահ Գյուլին, նաև՝ վարչապետ Ռեջեփ Թայիփ Էրդողանին։

Ստամբուլում նա հանդիպելու է Գալաթասարայի համալսարանի ուսանողների հետ, մասնակցելու է թուրք-ֆրանսիական գործարար համաժողովին։

Ենթադրվում է, որ հանդիպումների օրակարգային հարցերից մեկը լինելու է Եվրոպական միությանը Թուրքիայի անդամակցության հարցը։

http://www.tert.am/am/news/2014/01/27/hollande-genocide/