«Թուրքիայի արևելյան սահմանին` Հայաստանի կողմից Ախուրյան գետի ափին, ժամանակի հզորագույն մայրաքաղաք Անին, որը հայտնի է որպես «հազար ու մեկ եկեղեցիների քաղաք», ներկայում ավերակ է»,- այսպես է սկսվում The Atlantic ամսագրի հոդվածը Հայոց հնագույն մայրաքաղաք Անիի մասին։
«Անին հիմնադրվել է ավելի քան 1600 տարի առաջ` մի շարք առևտրական ճանապարհների կենտրոնում ու դարձել ավելի քան 100 000 բնակիչ ունեցող քաղաք-ամրոց: Հետագա դարերի ընթացքում Անին, շրջակա տարածքների հետ միասին, բազմիցս գրավվել է բյուզանդական կայսրերի, օսմանյան թուրքերի, քոչվոր քրդերի, վրացիների կողմից: 1300-ականներին քաղաքը կտրուկ անկում է ապրել, իսկ 1700-ականներին` ամբողջովին լքվել: Ավելի ուշ` 19-րդ դարում, Անիի ավերակները լքված տարածքի էին վերածվել, հատկապես, Առաջին համաշխարհային պատերազմին և Հայոց ցեղասպանությանը հաջորդած դեպքերից հետո այն դարձել է ռազմականացված հողատարածք:
Քաղաքի ավերակներն այնուհետև ընկել են բազմաթիվ կողոպտիչների, վանդալների, ինչպես նաև` թուրքերի ձեռքը, ովքեր փորձում էին այդ տարածքից ջնջել Հայոց պատմության մասին հիշեցնող ցանկացած բան»,- գրված է հոդվածում։
http://haynews.am/hy/1390804937
Leave a Reply