Այս տարի Հայոց ցեղասպանությանը նվիրված երկու վավերագարկան ֆիլմ կնկարահանվի

2014 թվականին կնկարահանվի Հայոց ցեղասպանությանը նվիրված երկու վավերագրական ֆիլմ` «Բանտարկված հոգիներ» և «Հիշատակի պատը»: Վավերագրական ֆիլմերը պատրաստ կլինեն մինչև 2015 թվականը: Հայաստանի ազգային կինոկենտրոնն առաջին նախագիծն իրականացնում է «Բարս մեդիա» ստուդիայի հետ համատեղ, ռեժիսորը Վարդան Հովնհաննիսյան է, իսկ երկրորդ ֆիլմի ռեժիսորը` Արամ Շահբազյանը:

Հայոց ցեղասպանության թեմային նվիրված խաղարկային ֆիլմի վերաբերյալ Հայաստանի ազգային կինոկենտրոնն առայժմ հստակ որևէ տեղեկություն չի կարող տրամադրել: Կինոկենտրոնի տնօրեն Գևորգ Գևորգյանն նշել է, որ Ցեղասպանության 100-ամյակի միջոցառումները համակարգող հանձնաժողովում հարցը դեռ քննարկման փուլում է: Քննարկման են ներկայացված 6 նախագծեր, որոնց վերաբերյալ դեռ որոշում չի կայացվել:

Ազգային կինոկենտրոնի տնօրենը ժամանակի սղության  առումով մտավախություն ունի, բայց նաև նշում է, որ ցանկացած դեպքում ֆիլմը պետք է իրականություն դարձնել:

http://ermenihaber.am/?lang_id=2&news_=5&cur_news=439