Դիարբեքիրի հայկական եկեղեցին վերածվել է մանկապարտեզի

Դիարբեքիրի` (պատմական Աղձնիք) 4 դար առաջ կաթոլիկ հայերի կառուցած պատմական եկեղեցին համայնքի բացակայության պատճառով մնացել էր բարձիթողի վիճակում: Թուրքական «Մեդյա73» լրատվական կայքը հայտնում է, որ եկեղեցին դուրս է բերվել լքյալ վիճակից և վերածվել «Մոր և մանկան խնամքի կենտրոն»-ի ու նաև ծառայում է իբրև մանկապարտեզ: Կենտրոնը նախատեսված է սոցիալապես անապահով ներգաղթյալ կանանց ու երեխաների համար:

Եկեղեցին գտնվում է Դիարբեքիր նահանգի Սուր շրջանի Հասըրլը թաղամասում: Նշվում է, որ 1850-ականներին մի որոշ ժամանակ հայկական այդ կաթոլիկ եկեղեցին օգտագործվել է որպես մզկիթ: Չորս տարի առաջ վերանորոգվել է թուրքական կառավարության Հիմնադրամների գլխավոր վարչության հատկացրած ֆինանսական միջոցներով:

http://ermenihaber.am/?lang_id=2&news_=7&cur_news=1192