Ռումինահայ գրող Վարուժան Ոսկանյանի «Շշուկների մատյան» վեպը Ռումինիայի, Իսրայելի, Հայաստանի Գրողների միությունները ներկայացրել են 2014թ. Գրականության Նոբելյան մրցանակի:
«Շշուկների մատյան» վեպը հրատարակվել է 2009թ. Բուխարեստում և դարձել հրատարակչական տարվա ամենաբարձր գնահատականի արժանացած և ամենաշատ մրցանակներ ստացած գործերից մեկը:
Շշուկների մատյանը պատմում է Հայոց ցեղասպանության և 20-րդ դարի սարսափների մասին: Ցեղասպանության արհավիրքների և օտար ափերում վերապրել փորձող հայ տարագիրների մասին գրեթե փաստագրական ճշգրտությամբ պատմող այս ցնցող գործն արժանացել է միջազգային մամուլի և գրական շրջանակների բարձր գնահատականներին:
Գիրքը թարգմանվել է մի շարք լեզուներով` հայերեն, ֆրանսերեն, իսպաներեն, գերմաներեն և այլն, փոխանցում է ՀՑԹԻ կայքը;
«Այս գիրքն արժանի է, որ աշխարհի բոլոր գրողների կողմից ներկայացվի գրականության Նոբելյան մրցանակի,-Թել Ավիվում 2012թ. հոկտեմբերին վեպի ներկայացմանն ասաց Իսրայելի Գրողների միության նախագահ Հերցել Հակակը,-այս մրցանակն արժանին կմատուցի գրողին, ով միաժամանակ հաջողել է ստեղծել ճշմարիտ դասական գրական գործ, ինչպես նաև ցնցող ու կենդանի վկայություն տվել հայ ժողովրդի տառապանքների և ցեղասպանության մասին: Նման մրցանակն աշխարհի խիղճը կբևեռի այս աղետի վրա և խորություն կհաղորդի այս սարսափելի ոճրագործության ճանաչմանը»
AllTurkey.am
Leave a Reply