Թուրք լրագրողը հայհոյել է Հրանտ Դինքին

Թուրքական «Աքշամ» պարբերականի լրագրող Օսման Հոքեմենը Twitter-ի իր էջից հայհոյել է Հրանտ Դինքին։

Թուրքական OdaTV կայքի փոխանցմամբ՝ Հրանտ Դինքի սպանության 7-րդ տարելիցին  «Աքշամ»-ի լրագրողը Twitter-ի իր էջում գրել է. «Սրանից 7 տարի առաջ մի պ.-ի որդի սատկեց։ Դուք Հրանտ եղեք, մենք Սամասթ կլինենք։

Մարդու պես հային բան չենք ասում, բայց դուրս են եկել հայրենիքին վիրավորած վիժվածքին տեր են կանգնում»,-գրել է Օսման Հոքեմենը։

Այս տողերը սոցկայքերում մեծ աղմուկ են բարձրացրել, որից հետո «Աքշամ» պարբերականն իր համարի գլխավոր լուրում կոչ էր արել ձերբակալել Հրանտի սպանության կազմակերպիչներին, իսկ Օսման Հոքեմենը փակել է Twitter-ի իր հաշիվը։ 

http://news.am/arm/news/190136.html