Թուրքիայում ցեղասպանության մասին տպագրվել է «Խոսում են Անկարայի հայերը» գիրքը

Սկսած 2011 թվականից` Հրանտ Դինքի անվան միջազգային հիմնադրամը «Լռության ձայնը» նախագծի շրջանակներում հրատարակում է Թուրքիայում բնակվող հայերի մասին պատմող գրքեր:

Ըստ թուրքական «Դեմոկրատ հաբեր» լրատվական կայքի` հիմնադրամը «Խոսում են թուրքաբնակ հայերը» և «Խոսում են դիարբեքիրցի հայերը» գրքերի տպագրումից հետո լույս է ընծայել երրրոդը` «Խոսում են Անկարայի հայերը» անվանումով: Գրքի կազմման համար հարցազրույց է անցկացվել Թուրքիայի մայրաքաղաքում ապրող 10 հայերի հետ, որոնց միջոցով ներկայացվել են 1915-ին Անկարայից բռնի տեղահանության ենթարկված ու եղեռնի միջով անցած հայերի ողբերգական պատմությունները:

«Անկարայի իրենց տներից տեղահանված հայ գաղթականներից միայն գեղեցկատես աղջիկներին էին թույլատրում վերադառնալ Անկարա, եթե նրանք համաձայնում էին կնության գնալ մահմեդականներին»,- պատմվում է գրքի առաջաբանում:

http://ermenihaber.am/?lang_id=2&menyu_id=3&top_current=107