Թուրքիայում կրոնական ազատությունները հետընթաց են ապրում

Ամերիկայում տեղակայված «PEW» հետազոտական կենտրոնը վերջին վեց տարվա տվյալների համաձայն «Աշխարհում կրոնական ազատություններն ու սահմանափակումները» թեմայի շուրջ մի ուսումնասիրություն է կատարել՝ անդրադառնալով նաև Թուրքիայում տիրող վիճակին: 2007-2013 թվականների ընթացքում անցկացված ուսումնասիրության մեջ հաշվի են առնվել երկու հանգամանքներ՝ պետական և հասարակական սահմանափակումներ:

Թուրքական «Ռադիկալը» գրում է, որ Թուրքիայում կրոնական ազատությունների և սահմանափակումների վիճակը, ըստ վերոնշյալ երկու հանգամանքների, գնահատվել է որպես փոփոխական: Ընդհանուր առմամբ վեց տարվա ընթացքում երկրում կրոնական սահմանափակումների ցուցանիշը բավական բարձր է: Մասնավորապես պետական սահմանափակումների ցուցանիշը տատանվել է բարձր և շատ բարձր կատեգորիաների միջև, իսկ հասարակականը գնահատվել է բարձր:
Գլխավորապես հիշյալ երկու հանգամանքների վրա հիմնված կրոնական սահմանափակումները աճել են աշխարհի երկրների 61 տոկոսում, իսկ 29 տոկոսում այս հարցում առաջընթաց է գրանցվել:

Ankakh.com