Դիարբեքիրի (պատմական Աղձնիք) Սուրի շրջանում գտնվող հայկական սուրբ Կիրակոս եկեղեցում պատարագ է մատուցվել: Պատարագին մասնակցել են բազմաթիվ հրավիրյալներ ինչպես Թուրքիայի տարբեր շրջաններից, այնպես էլ արտասահմանից:
Թուրքական «Սթար գյունդեմ» լրատվական կայքը հայտնում է, որ պատարագին մասնակցել է նաև « The Wall Street Journal» թերթի լրագրող, նյույորքաբնակ Ավետիս Հաջյանը, ով արմատներով Դիարբեքիրից է:
Պատարագին իրենց մասնակցությունն են բերել նաև Դիարբեքիրում բնակվող ուդի հայտնի վարպետ Երվանդ Բոստանջըն, Բեդրի Այսելին, սուրբ Մարիամ Աստվածածին եկեղեցու հոգևոր հովիվ Յուսուֆ Աքբուլութը և այլք:
Դիարբեքիրի Սուրբ Կիրակոս եկեղեցին Մերձավոր Արևելքի ամենամեծ հայկական եկեղեցին է: 2011 թվականին վերանորոգված եկեղեցում տարին մի քանի անգամ պատարագ է մատուցվում:
2013 թվականին Դիարբեքիրի քուրդ քաղաքապետ Օսման Բայդեմիրի և սուրբ Կիրակոս եկեղեցու հիմնադրամի ղեկավարության միջև համաձայնություն էր ձեռք բերվել եկեղեցու մի հատվածն օգտագործել որպես թանգարան, որտեղ պետք է ցուցադրվեն քաղաքի հայկական անցյալի մասին ցուցանմուշներ:
Leave a Reply