Ստամբուլի Օրթաքյոյ թաղամասում բնակվող Համբարձում եւ Ժանետ ամուսիններին պատկանող տունը քաղաքապետարանի աշխատակիցները քանդել են՝ առանց ընտանիքին նոր տնով կամ գումարով ապահովելու երաշխիքներ տալու։
Թուրքական Taraf-ի փոխանցմամբ՝ 1915-ին Ցեղասպանությունից փրկվելած Համբարձում Սոլարբաշի հայրը՝ Հովհաննես Սոլարբաշը, Յոզգաթից տեղափոխվել էր Ստամբուլ եւ գնել Օրթաքյոյ թաղամասի Դերեբոյու պողոտայի վրա գտնվող մի տուն։ Ընտանիքը տարիներ ի վեր վճարել է տան հետ կապված բոլոր կոմունալ եւ հարակից վճարները, սակայն Ստամբուլի քաղաքապետարանը որոշում է կայացրել քանդել հայ ընտանիքին եւ եւս 4 ընտանիքի պատկանող տները՝ տեղում այլ շինություն կառուցելու համար։ Զավեշտալին այն է եղել, որ հայ ընտանիքին առաջարկել են 74 հազար լիրա վճարել եւ տեղափոխվել Քաղըթհանե թաղամասում կառուցված բնակարաններից մեկը։
Համբարձում Սոլարբաշը փորձել է ճար գտնել եւ խոսել է իրենց տան տեղում շենք կառուցող ընկերության տնօրենի հետ, որի ժամանակ որոշվել է մյուս հարեւանների հետ էլ քննարկել իրավիճակը եւ հասնել համաձայնության, սակայն քաղաքապետարանի աշխատակիցները այդ ամենը հաշվի չեն առել։ Քաղաքապետարանի աշխատակիցները մտել են հայ ընտանիքի տուն, իրերը դուրս հանել եւ առանց բառ լսելու՝ քանդել տունը։
Փողոցում հայտնված հայ ընտանիքի հայր Համբարձումը նշել է, թե իրենք դեմ չեն, որ այդտեղ շենք կառուցվի, սակայն իրենց ուզածն է, որ այդ շենքում իրենց բնակարան հատկացնի։
Leave a Reply