Պոլսահայ հայտնի գրող, լրագրող Սևան Նշանյանը, ով հունվարի 3-ից գտնվում է կալանավայրում, Twitter-ի իր միկրոբլոգում խնդրել էր գրքեր ուղարկել՝ բանտի գրադարանը կարգի բերելու համար։
Այսօր արդեն նա Twitter-ում նոր գրառում է արել՝ տեղեկացնելով, որ 3 օրվա ընթացքում 400 լավ գրքեր են հավաքվել, սակայն բանտի ղեկավարությունը թույլ չի տալիս դրանք բանտ մտցնել։
«Ասում են՝ բանտ գիրք ուղարկելն արգելված է։ Եթե պետք լինի, պետությունը կուղարկի, դա քո պարտականությունը չէ»,- գրել է նա։
Հիշեցնենք, որ Սևան Նշանյանն ազատազրկման էր դատապարտվել իր հողամասում ապօրինի շինություն կառուցելու մեղադրանքով։ Սակայն ավելի վաղ նրա դեմ գործեր էին հարուցվել տարբեր մեղադրանքներով, այդ թվում՝ Մուհամմեդ մարգարեին ծաղրելու համար։
Leave a Reply