Մասշտաբային մաքրման շրջանակում, 2013թ. դեկտեմբերի 17-ին «Մեծ կաշառք» հակակոռուպցիոն գործողություններից հետո, Անկարայում մոտավորապես 350 տարբեր պաշտոնների ոստիկաններ այս տարվա հունվարի վեցին ու յոթին ազատվեցին իրենց պաշտոններից:
Իրավապահ մարմիններում այս վերջին մաքրումը գործողությունը սկսելուց հետո ամենախոշորն է, հաղորդում է ИТАР-ТАСС-ը` վկայակոչելով տեղական ԶԼՄ-ները: Ավելի վաղ ևս հարյուրավոր ոստիկաններ հեռացվել են կամ տեղափոխվել ավելի ցածր պաշտոնների:
Իրենց պաշտոններից ազատված ոստիկանների մեծ մասը կտեղափոխվի ճանապարհային ոստիկանության և շրջանային ոստիկանական բաժինների նոր աշխատավայրեր: Վարչապետ Թայիփ Էրդողանը հակակոռուպցիոն գործողություններն անվանել է սադրանք, որը նախատեսված է կառավարությունը տապալելու համար: Նա ասել է, որ թույլ չի տա պետության մեջ պետություն և համոզմունք հայտնել, որ իրավիճակը հսկողության տակ է:
Անցյալ տարվա դեկտեմբերի 17- ին իրագործած գործողության արդյունքում ավելի քան 50 մարդ է ձերբակալվել: Դրանց թվում են բարձրաստիճան պաշտոնյաներ, բանկային համակարգի ներկայացուցիչներ և երեք նախարարի որդիներ: Մի մասին մեղադրանք է առաջադրվել: Արդյունքում Էրդողանը իր կաբինետում փոփոխություններ է կատարել` միանգամից տաս նախարար փոխելով:
Ankakh.com
Leave a Reply