Ֆրանսիայի հայ համայնքը կբողոքի Օլանդի՝ Թուրքիա կատարելիք այցի դեմ

Ֆրանսիայում գործող հայկական կազմակերպությունները բողոքի ակցիաներ կկազմակերպեն` ընդդեմ նախագահ Ֆրանսուա Օլանդի՝ հունվարի 27-ին Թուրքիա կատարելիք այցի, տեղեկացնում է թուրքական «Ջիհան» գործակալությունը։

Ֆրանսիայի հայկական կազմակերպությունների համակարգող խորհուրդը հայերին հրավիրել է մասնակցելու նախագահի մակարդակով 20 տարվա դադարից հետո Թուրքիա կատարելիք այցի դեմ կազմակերպվելիք բողոքի ակցիաներին։

Հայտարարության մեջ նշվում է, որ Ֆրանսիայի հայերը հունվարի 25-ին Լիոնում, Մարսելում, հունվարի 26-ին՝ Փարիզում ցույցի դուրս կգան և Օլանդին կոչ կանեն իրականացնել ընտրվելուց առաջ տված խոստումները, այն է՝ ընդունել Հայոց ցեղասպանության ժխտումը քրեականացնող օրենք։

 http://www.tert.am/am/news/2013/12/28/hollande-turkey/