Հայոց ցեղասպանության 100-ամյակի նախաշեմին թուրքական կողմից ինչ–որ գործողություններ սպասելն անիմաստ է: Այս մասին դեկտեմբերի 26-ի մամուլի ասուլիսում հայտարարել է Հայաստանի ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը:
Նրա խոսքով՝ Թուրքիայի կարեւորագույն նպատակներից է աշխարհին ցույց տալ, որ իրենք ձգտում են հայ-թուրքական հարաբերությունների կարգավորմանը՝ իրականում ոչ մի քայլ չձեռնարկելով:
«Կարծում եմ` մեր դիվանագիտությունն ապագայում պետք է ձգտի ավելի հրապարակային դառնալ ոչ միայն մեր ժողովրդի, այլեւ ամբողջ աշխարհի համար: Հենց սրանում է հայկական դիվանագիտության թերացումը», – նշել է Սաֆրաստյանը: Նրա համոզմամբ՝ եթե հայ-թուրքական հարաբերությունների կարգավորման նոր փուլ սկսվի, ապա այն պետք է ոչ թե գաղտնի բանակցությունների կամ միջնորդների վրա հիմնվի, այլ Թուրքիան պետք է հայտարարի, որ Հայաստանի հետ դիվանագիտական հարաբերություններ եւ սահմանային ռեժիմ է հաստատում:
Leave a Reply