Թուրքիայի անվտանգության խորհրդի նիստում քննարկվելու է Դավութօղլուի երևանյան այցը

Այսօր Թուրքիայի նախագահական պալատում գումարվելու է ազգային Անվտանգության խորհրդի (ԱԱԽ-MGK) նիստ: Երկրի ղեկավար Աբդուլլահ Գյուլի նախագահությամբ ընթանալիք նիստում առաջնահերթ քննարկվելու են Թուրքիայի ներքին խնդիրները. մասնավորապես քրդական հարցի կարգավորման գործընթացը, Սիրիայից ներգաղթած ավելի քան 700 հազար փախստականների կացության խնդիրը:

Ըստ թուրքական «Աքշամ» օրաթերթի հաղորդած տեղեկության` Անվտանգության խորհրդի նիստում քննարկվելու են նաև Իրաքի հետ Թուրքիայի էներգետիկ համագործակցության, Իսրայելի հետ փոխհատուցման բանակցությունների, թուրք-չինական ռազմական համագործակցության վերաբերյալ հարցեր, ինչպես նաև` արտգործնախարար Ահմեթ Դավութօղլուի հայաստանյան այցն ու հայ-թուրքական հարաբերությունների կարգավորման գործընթացը: 

http://ermenihaber.am/?lang_id=2&news_=7&cur_news=1138