Թուրքիայում «Մեծ կաշառք» գործողություններից օրեր անց՝ դեկտեմբերի 25-ին, ՆԳ, էկոնոմիկայի եւ բնապահպանության նախարարների հրաժարականներից հետո իշխող կուսակցությունից անակնկալ անուն է հրաժարական տվել։
Թուրքական Milliyet-ի փոխանցմամբ՝ Թուրքիայի նախկին ՆԳ նախարար Իդրիս Նաիմ Շահինը հայտարարել է, թե հրաժարվում է իշխող Արդարություն եւ զարգացում կուսակցության անդամությունից։
Իդրիս Նաիմ Շահինը հրաժարականի մասին դիմումը կուսակցության գրասենյակ է ուղարկել երեկոյան ժամերին։
Նշենք, որ Իդրիս Նաիմ Շահինը ՆԳ նախարար եղած ժամանակ աչքի է ընկել հայերի հանդեպ թշնամական հայտարարություններով։ Նա մասնակցել էր Ստամբուլում ադրբեջանցիների կողմից կազմակերպված Խոջալուի իրադարձությունների հիաշատակման միջոցառմանը եւ հայտարարել. «Այդ օրը արյուն է թափվել, սակայն դրա պատասխանը չի տրվել։ Այդ արյունը գետնին չի մնալու։ Այդ արյան հաշիվը միասին պահանջելու ենք Ստամբուլում, Բաքվում եւ այլուր»։
Leave a Reply