Էրդողանը և Ալիևը` մամուլի ազատությանը խոչընդոտած լիդերների շարքում

«Լրագրողներ առանց սահմանների» միջազգային կազմակերպությունը պատրաստել է մի տեսահոլովակ ամենից շատ մամուլի ազատությանը խոչընդոտած ղեկավար անձանց մասին: Լրագրողների գործունեության սահմանափակումով աչքի ընկած տարբեր երկրների առաջնորդների մասին նշյալ տեսահոլովակում տեղ են գտել նաև Թուրքիայի վարչապետ Ռեջեփ Թայիփ Էրդողանի և Ադրբեջանի նախագահ Իլհամ Ալիևի անունները:

Այս մասին տեղեկացնող թուրքական «Ջումհուրիյեթ» օրաթերթը հիշեցնում է, որ ամռանը տեղի ունեցած ժողովրդական խռովությունների (Գեզիի դեպքեր) ժամանակ թուրք ուժայինների ոչ իրավաչափ բռնի գործողությունների հետևանքով մարմնական վնասվածք էր ստացել ավելի քան 100 լրագրող:

Հիշեցնենք, որ Թուրքիան այժմ աշխարհում 1-ին տեղն է զբաղեցնում բանտարկված լրագրողների թվով: «Լրագրողների պաշտպանության կոմիտեի» (Committee to Protect Journalists) 2013 թ. զեկույցի համաձայն` Թուրքիայում ազատազրկված է 40 լրագրող, Իրանում` 35, Չինաստանում`32:

http://ermenihaber.am/?lang_id=2&news_=8&cur_news=522