Էրդողանը «կկոտրի» իր հակառակորդների ձեռքերը

Թուրքիայի վարչապետ Թայիփ Էրդողանը խոստացել է կոտրել իր հակառակորդների ձեռքերը, եթե նրանք շարունակեն վատաբանել իր գլխավորած կառավարությունը։

Իր ելույթում Էրդղանը «լրտես» ու «դավաճան» է համարել բոլոր նրանց, ովքեր նախաձեռնել են օրերս Թուրքիան ցնցած խոշոր հակակոռուպցիոն գործողությունը, որի ժամանակ ձերբակալվել էին նաև նախարարների որդիներ։

Նա նաև հավելել է, թե այս ամենը «միջազգային դավադրություն է»։

Կոռուպցիոն սկանդալի հետևանքով դեկտեմբերի 16-17-ին ձերբակալվել է 5 տասնյակից ավել մարդ, իսկ վերջին օրերին հեռացնում են նաև ոստիկանության շարքերից, ինչը համարում են պատասխան քայլ` իրավապահների սկսած գործողությունների դեմ։

Այդ գործողությունների հետևանքով ձերբակալվել էին Թուրքիայի էկոնոմիկայի նախարար Զաֆեր Չաղլայանի, ներքին գործերի նախարար Մուամմեր Գյուլերի և քաղաքաշինության ու շրջակա միջավայրի նախարար Էրդողան Բայրաքթարի որդիները, ադրբեջանցի գործարար Ռըզա Զարրաբան և այլք։

Տեղեկություններ են շրջանառվում, թե այս ձերբակալությունների հետևում կանգնած են գյուլենական շարժման անդամները, ովքեր դժգոհ են իշխող Արդարություն և զարգացում կուսակցության քաղաքականությունից, մասնավորապես, Թուրքիայում գյուլենական դպրոցների փակման նախաձեռնությունից։

Իսկ հայտնի է, որ գյուլենական շարժումն ու Արդարություն և զարգացում կուսակցություններն ունեին սերտ հարաբերություններ։

AllTurkey.am