Պոլսահայ գրող Սևան Նշանյանը հանձնվել է

Պոլսահայ գրող, լրագրող Սևան Նշանյանը Շիրինջեի իր հողատարածքում ապօրինի շինություն կառուցելու մեղադրանքով 2 տարի կանցկացնի բանտում։

Ինչպես տեղեկացնում է «Ակօս»-ը, Սևան Նշանյանը երեկ հանձնվել է դատախազությանն ու այդ մասին գրել է Twitter-ի իր միկրոբլոգում։

«Այսօր Սելչուկի դատախազությանը հանձնվեցի։ Հունվարի 2-ին Թորբալըի բանտ կմտնեմ։ Ենթադրում եմ, որ այնտեղ 2 տարի կանցկացնեմ, սակայն հստակ որևէ մեկը չգիտի»,- գրել է Նշանյանը։ 

Հիշեցնենք, որ ավելի վաղ Նշանյանի դեմ գործ էր հարուցվել` «ժողովրդի մի մասի կրոնական արժեքները վիրավորելու» մեղադրանքով, և պահանջվում էր մինչև 1.5 տարվա ազատազրկում։

Պոլսահայ գրողի դեմ բողոքել էին Թուրքիայի 15 քաղաքացիներ՝ հայտարարելով, որ նա իր անձնական բլոգում վիրավորանք է հասցրել Մուհամմեդ մարգարեին։

http://www.tert.am/am/news/2013/12/24/nishanyan/