Թուրքիայի վարչապետ Ռեջեփ Թայիփ Էրդողանը արտասահմանցի դեսպաններին մեղադրել է սադրիչ գործողությունների համար` այն հետաքննության ֆոնին, որը ներառում է 24 մարդու, այդ թվում երկու նախարարների որդիների, որոնք մեղադրվում են կոռուպցիոն գործողությունների համար:
The Telegraph-ը հայտնում է, որ Էրդողանը սպառնում է արտաքսել արտասահմանցի դեսպաններին: Էրդողանը Սամսուն նահանգում հայտարարել է, որ դեսպանները պետք է իրենց գործով զբաղվեն, դուրս չգան իրենց իրավասություններից, քանի որ դրանից հետո իրենք արտասահմանցի դիվանագետներին իրենց երկրում պահելու դրդապատճառ չեն ունենա:
Շաբաթ օրը ավելի վաղ Թուրքիայի ներքին գործերի և էկոնոմիկայի նախարարների որդիները նաև կալանքի տակ էին առնվել: Նույն գործով անցնում է նաև ադրբեջանցի գործարար Ռեզա Զառեբը:
Աղբյուրի գնահատմամբ` Էրդողանին այս գործը խայտառակ է արել:
Սկանդալը Թուրքիայում սկսվել է երեքշաբթի օրը` ոստիկանական շուրջկալներով: Դրանից հետո Էրդողանը տասնյակ ոստիկանների է ազատել աշխատանքից:
http://www.tert.am/am/news/2013/12/21/erdogan-graft/
Leave a Reply