«The Economist»-ի անդրադարձը.- Խելացնոր Էրդողան-Գիւլէն՝ ո՞վ կը յաղթի

Էրդողան–Գիւլէն պայքարում ո՞վ կը յաղթի: Նման հարցադրմամբ է հանդէս եկել «The Economist» պարբերականը:
«Թուրքիայի վարչապետ Էրդողանի ամենամեծ ձեռքբերումն իր տասնամեակների իշխանութեան օրօք բանակի հարցում վարած քաղաքականութիւնն է: Իսկ դա նա արել է գիւլէնական շարժման առաջնորդ Ֆեթօլլահ Գիւլէնի օգնութեամբ, ով բնակութիւն է հաստատել Փենսիլւանիայում:

«Panorama.am» – Էրդողան-Գիւլէն պայքարում ո՞վ կը յաղթի: Նման հարցադրմամբ է հանդէս եկել «The Economist» պարբերականը:
«Թուրքիայի վարչապետ Էրդողանի ամենամեծ ձեռքբերումն իր տասնամեակների իշխանութեան օրօք բանակի հարցում վարած քաղաքականութիւնն է: Իսկ դա նա արել է գիւլէնական շարժման առաջնորդ Ֆեթօլլահ Գիւլէնի օգնութեամբ, ով բնակութիւն է հաստատել Փենսիլւանիայում:
Տարօրինակ է, բայց Գիւլէնը կարծես միակ ուժն է, որ կարող է դադարեցնել Էրդողանի ճամբան՝ դէպի բռնապետութիւն:
Արդեօք պարոն Գիւլէնը կը մոբիլիզացնի իր խումբը, որի ներկայացուցիչների թիւը հասնում է միլիոնների: Արդեօք նա պարոն Էրդողանի, ինչպէս նաեւ Արդարութիւն եւ զարգացում կուսակցութեան դէմ դուրս կը գա՞յ մարտին կայանալիք աւագանու ընտրութիւններին:
Պարոն Էրդողանը սկսել է մաքրել հազարաւոր գիւլէնիստների, որոնք ներգրաււած են անվտանգութեան ոլորտում, ինչպէս նաեւ դատական եւ կառավարութեան համակարգում: Տեղեկութիւններ կան, որ գիւլէնիստներն ունեն մի շարք ապացոյցներ՝ Արդարութիւն եւ զարգացում կուսակցութեան կաշառակերութեան վերաբերեալ, ինչպէս նաեւ պարոն Էրդողանի զինակիցիների վերաբերեալ վարկաբեկող տեսանիւթեր:
Օրեր առաջ Թուրքիայի վարչապետ Ռեջեբ Թայիբ Էրդողանը դատական հայց է ներկայացրել յայտնի յօդւածագիր Էմրէ Ուսլուի եւ «Թարաֆ» պարբերականի դէմ: Մասնաւորապէս, Էրդողանի փաստաբանները պահանջում են 50 հազար լիրա փոխհատուցում՝ «Թարաֆ»-ում լոյս տեսած յօդւածում վարչապետին «բորենի, ստախօս եւ անբարոյական» անւանելու համար: Հայցը ներկայացւած է այն հիմքերով, որ յօդւածագիրը փորձել է վարչապետ Էրդողանի անձին եւ բարոյական կերպարին վնաս հասցնել: Ի պատասխան՝ վարչապետը դատական հայց է ներկայացրել:
«Թարաֆ» պարբերականին սպառնալը եւս ցոյց է տալիս Էրդողանի՝ այլախոհներին լռեցնելու արշաւը:
Մի շարք աղբիւրներ շահարկում են, որ Էրդողանն այս պահն է ընտրել գիւլէնիստների հետ մրցելու ճանապարհը, որպէսզի մինչ նախագահական ընտրութիւնները, բացայայտի նրանց մտադրութիւնները:
Ասում են, որ խելացնոր վարչապետը հաւատում է, որ «Գիւլէն-Իսրայէլ» առանցքը մտադիր է նրան պաշտօնանկ անել: Սակայն դեռ վաղ է ասել, թէ որ առաջնորդը կը յաղթի»,- գրել է պարբերականը:

http://alikonline.ir/hy/news/political/item/6954-«the-economist»-ի–անդրադարձը–Խելացնոր–Էրդողան–Գիւլէն՝–ո՞վ–կը–յաղթի