Դիարբեքիրի քաղաքապետարանը թուրքերենի կողքին ավելացրել է նաև քրդերեն ցուցանակ

Դիարբեքիրի քաղաքապետարանի թուրքերեն ցուցանակը փոխարինվել է երկլեզու ցուցանակով: Թուրքական «Էնսոնհաբեր» լրատվական կայքի հաղորդմամբ՝ հիմնականում քրդաբնակ Դիարբեքիրի քաղաքապետարանի պատին ամրացրած թուրքերեն «Դիարբեքիրի քաղաքապետարան» գրության կողքին հայտնվել է նաև քրդերեն տարբերակը:

Ըստ թերթի՝ Դիարբեքիրի քաղաքապետ Օսման Բայդեմիրի` քաղաքից բացակայության պատճառով ցուցանակի վերաբերյալ որևէ պարզաբանում ստանալ չի հաջողվել:

Նշենք, որ Բայդեմիրը հանդիսանում է Թուրքիայի խորհրդարանում ներկայություն ունեցող միակ քրդական կուսակցության ԽԺԿ-ի (Խաղաղություն և ժողովրդավարություն կուսակցություն, BDP) անդամ:

http://ermenihaber.am/?lang_id=2&news_=7&cur_news=1116