Թուրքիայի արտգործնախարար Ահմեդ Դաւութօղլուին 
Երեւանում իւրօրինակ նւէր են մատուցել: Նրան է յանձնւել «Հայոց Ցեղասպանութիւն. ականատես վերապրողների վկայութիւններ» գրքի թուրքերէն տարբերակը: Գրքի հեղինակ, բանասիրական գիտութիւնների դոկտոր, պրոֆեսոր Վերժինէ Սւազլեանն այն թուրք նախարարին է փոխանցել թուրքական պատւիրակութեան անդամներից մէկի միջոցով:
«Armenpress.am» – Թուրքիայի արտգործնախարար Ահմեդ Դաւութօղլուին Երեւանում իւրօրինակ նւէր են մատուցել: Նրան է յանձնւել «Հայոց Ցեղասպանութիւն. ականատես վերապրողների վկայութիւններ» գրքի թուրքերէն տարբերակը: Գրքի հեղինակ, բանասիրական գիտութիւնների դոկտոր, պրոֆեսոր Վերժինէ Սւազլեանն այն թուրք նախարարին է փոխանցել թուրքական պատւիրակութեան անդամներից մէկի միջոցով: Առաջարկը հնչել է Հայաստանի հանրային հեռուստաընկերութեան «Հարցազրոյց» ծրագրում հաղորդավար Նւէր Մնացականեանի կողմից, երբ հաղորդման հիւրասրահում գրքի հեղինակ Վերժինէ Սւազլեանն էր: Վերջինս էլ ընդունել է առաջարկը եւ խնդրել գիրքը փոխանցել Թուրքիայի արտգործնախարարին:
Գրքի թուրքալեզու տարբերակը հրատարակւել է վերջերս՝ Հայոց Ցեղասպանութեան 100-րդ տարելիցին ընդառաջ, թուրք անւանի հրապարակախօս Ռագըփ Զարաքօղլուին պատկանող «Բելգէ» հրատարակչութիւնում: Ինքը՝ Զարաքօղլուն, ներկայ էր դեկտեմբերի 11-ին գրքի թուրքալեզու տարբերակի երեւանեան շնորհանդէսին:
Հայերէն եւ անգլերէն տարբերակներն ունեցող, իսկ այժմ արդէն թուրքերէն գիտական ուսումնասիրութիւնը ամփոփում է Հայոց Ցեղասպանութեան ականատես-վերապրածների 700 միաւոր վկայութիւնները: «Հայոց Ցեղասպանութիւն. ականատես վերապրողների վկայութիւններ» գրքի թուրքերէն թարգմանութիւնը հրատարակւել է Ստամբուլում՝ 1500 օրինակով: Այս ժողովածուն այնքան բացառիկ է ու այնքան աննախադէպ նիւթ է պարունակում, որ նոր բացայայտումների հնարաւորութիւն է տալիս Հայոց Ցեղասպանութեան հարցով հետաքրքրւողներին ոչ միայն Հայաստանում, այլեւ Թուրքիայում:
Leave a Reply